Mei-inoar genietsje fan ferhalen makket it deistige libben riker. Dêrom is Ljouwert UNESCO City of Literature yn jannewaris 2024 mei de Culturele Apotheek úteinsetten mei Mei-inoar lêze (samenlezen) yn hiel Fryslân. We lêze yn biblioteken, doarpshûzen en op oare lokaasjes.
Mei-inoar lêze is gjin klassike lêsklup of boekeklup. Elkenien kin meidwaan en tarieding of foarkennis is net nedich. Meist alle kearen oanskowe, mar in inkelde kear komme kin ek. De teksten wurde op it plak sels útdield en lûdop foarlêzen. De groep stimt ôf yn hokker taal der lêzen wurdt en hokker taal praat wurdt. Wa’t wol kin reagearje op de teksten. Wat sizze de wurden? Wat dogge se mei dy? Rekket de tekst dy? Werkenst dysels yn de tekst?
By Mei-inoar lêze draait it hieltyd om de ferbining tusken teksten en it deistich libben. Oantinkens, assosjaasjes, emoasjes en tinzen soargje foar moaie petearen. Meidwaan oan Mei-inoar lêze is fergees. It is net nedich om oan te melden. De kofje en tee stean klear.
Wannear en wêr?
– it is net nedich om oan te melden! –
dbieb Grou
fan 11 septimber 2024 o/m 21 maaie 2025 ien kear yn de 14 dagen op woansdei, 9.30-10.30 oere
dbieb Leeuwarden
fan 18 septimber 2024 o/m 16 april 2025 alle woansdeis, 10.30-11.30 oere
dbieb Burgum
fan 25 septimber 2024 o/m 7 maaie 2025 ien kear yn de 14 dagen op woansdei, 13.30-14.30 oere
Wilde Wijk, Ljouwert
fan 9 jannewaris 2025 ôf op de 2e en 4e tongersdei fan de moanne, 14:00-15:00 oere
MFC De Helling Winsum Frl
fan 7 januari ôf op de 1e en 3e tiisdei van de moanne, 09.30 – 10.30 oere
Doarpskeamer Akkrum-Nes
fan 15 jannewaris ôf ien kear yn de 14 dagen op woansdei, 11:00-12:00 oere
dbieb Gytsjerk
fan 21 jannewaris oant en mei 24 juny 2025 ien kear yn de 14 dagen op tiisdei, 13:30-14:30 oere
dbieb Stiens
fan 23 jannewaris oant en mei 19 juny 2025 ien kear yn de 14 dagen op tongesdei, 10:30-11:30 oere
Huiskamerbibliotheek Holwerd
fan 14 jannewaris oant en mei 25 febrewaris 2025 ien kear yn de 14 dagen op tiisdei, 14:00-15:00 oere
Bibliotheek Drachten
oant en mei 29 desimber 2024 ien kear yn de 14 dagen op snein, 14:30-15:00 oere
Bibliotheek Heerenveen
fan 30 septimber 2024 oant en mei 23 juny 2025 ien kear yn de 14 dagen op moandei, 10:30-11:30 oere
(net op 23 desimber)
Nim inoar mei, skow oan, oanmelde is net nedich!
Mei-inoar lêze is in aktiviteit fan de dielnimmende lokaasjes, de Culturele Apotheek en Ljouwert City of Literature.
Mei Mei-inoar lêze wurkje we mei oan it Fries Leesoffensief.
Foto’s: Jacob van Essen | Hoge Noorden
