It projekt Fier dyn eigen taal mei as tema Taal wie in boppeslach, sjoch: FERSLACH EN PRAATSTIK Feest fan Fier dyn eigen taal 29-11-2025. It tal ynstjoerings wie oerfloedich: sa’n 250, yn mear as 70 tongslaggen, dêr’t 222 fan yn ’e sammelbondel opnommen binne. Der is ferlet fan in poadium foar poëzy yn lytse talen, sadwaande hat dit projekt in ferfolch – mei as tema: Frijdom.
Dizze nije ûndernimming is weareldwiid fan aard, dat betsjut dat fersen út alle ‘lytse talen’ yn ’e beneaming komme – de faak lytsachtsjende oantsjutting ‘dialekt’ brûke wy net. ‘Lyts’ is fansels betreklik – sa kin in taal mannich sprekkers ha, mar neat te folle sizzenskip.
Kritearia:
Nij wurk, net earder publiseard; gjin oersetting fan oaren, mei útsûndering fan fertalingen fan it oarspronklike fers.
Ynstjoere:
Elke dichter kin gedichten yn ûnderskate talen ynstjoere foar it poëzyplatfoarm op dizze webside; stjoere nei: post@frysk-en-frij.nl, t.a.f. Goasse Brouwer, projektkoördinator.
De uterste datum fan ynstjoeren is 30 novimber 2026.
Mear ynformaasje fynst hjir.
