Wat bart der wannear’t in psygoatyske ûnderfining net allinnich alles yn de war skopt, mar ek in boarne fan kreativiteit wurdt? Skriuwer en essayist Huub Mous ûndersiket dizze fraach yn syn lêzing nei oanlieding fan syn nije boek De waan van het schrijven – Harry Mulisch en de creatieve psychose.
Op 22-jierrige leeftiid waard Mulisch oerspield troch fisioenen, iepenbieringen en assosjaasjes. By it op ’e nij skriuwen fan syn debútroman wist er dy ûntregeljende ûnderfiningen om te setten yn literatuer. Skriuwen waard foar Mulisch mear as it meitsjen fan in boek: it waard in foarm fan ‘autokreaasje’, dêr’t ûntregeling en it skeppen fan in sels nau mei-inoar yn ferbûn rekken.
Mous stelt de fraach oft psygoaze allinnich as psychiatryske oandwaning beskôge wurde moat, of ek as in krisis dy’t ûnderdiel wêze kin fan feroaring en ûntwikkeling. Hy leit ferrassende ferbannen mei taal, keunst en keunstmjittige yntelliginsje.
De lêzing hat in sterk persoanlik karakter. Fia Mulisch keart Mous werom nei syn eigen psygoaze yn 1966. Syn eigen ûnderfiningen mei skriuwen – dêr’t teksten soms by liken te ûntstean sûnder dat er se bewust betocht hie – foarmje in wichtige laach yn syn ferhaal.
It manuskript fan De waan van het schrijven waard yn 2025 bekroand mei de Van Helsdingenpriis fan de Stichting Psychiatrie en Filosofie.
Ynrin fan 19.30 oere ôf. It tal plakken is beheind. Belangstellenden wurdt frege har foarôf oan te melden fia huubmous@gmail.com.
