Alle jierren nûget Ljouwert UNESCO City of Literature skriuwers út it bûtenlân út foar in residinsje yn de stêd, en gean skriuwers út Fryslân op residinsje nei oare stêden. Yn novimber 2024 wennet en wurket Eduard Olesti út Katalonië yn Ljouwert.
Eduard Olesti (Barcelona, 1995) is in Katalaansk skriuwer en toanielregisseur. Hy hat de roman Gossos dempeus (Club Editor) en twa poëzijboeken publisearre, Un cowboy crepuscular (Ausiàs March Award, 2023) en Sarcop (Amadeu Oller Award, 2022).
As regisseur en toanielskriuwer hat hy wurke oan yndividuele en kollektive wurken lykas Barcelona Ratafia (Paral·lel 62), CAÍN loops i did it again (Antic Teatre at Grec 2024), Shrek, kebabs en la sexualitat de Joan Brossa (Fundació Joan Brossa), Rentadora gira mundial (Nau Ivanow) en No tenim ni idea de què és el teatre (FAT). Hy hat ek wurke as kurator, skriptskriuwer, oersetter, gearstaller en performer. Syn wurk wurdt beskôge as direkt, fûl en grimmich.
