Tûkefreon
Door Lida Dijkstra
Dit verscheen als pet bij Strandbieb Makkum
De petjes zijn inmiddels op
Steatlike beam yn ’e slingertún
stuit-stuit-stuite in ripe kastanje
pardoes tsjin myn kabouterskuon.
Lyts skopke rôle him om en om
oant er glânzjend brúnread rûn
yn myn bûse ferdwûn.
Goed tsjin rimmetyk, sei heit.
Mar ast him yn dyn túntsje
tusken de rûchte bestoppest
komt er ta libben. O wûnder!
Leaf nij beamke, tûkefreontsje,
wêrom waardst no tikker tsjin it rút?
Hy moat der út, sei heit beret
en dolde in gat yn myn hert.
Buorman fûn skaad gaadlik,
dat ik wiuwde him nei oer de hage
en neamde him
stoarmboarter
hjerstkleurbetinker
wolkeklauwer
reinwetterdrinker
willejouwer
Mocht it of net, ik socht him op,
prate tsjin it antlit fan syn bast,
beseach begrutsjend de dowen
dy’t inkeld breklike nêsten bouden.
Ik lies yn syn lijte de jierren foarby
oant er reade triennen skriemde.
Batske bile sloech ûnmeilydsum
syn stamme en siel oan splinters.
As in strider makke er my op ’t lêst
mandélich oan syn fuortbestean.
Kastanjes foelen as heil út ’e loft
en ik bûgde, betanke, beloofde
en neamde him âlde trochsetter.
Lida Dijkstra
Lida Dijkstra (1961) schrijft vooral kinderboeken, in het Fries en in het Nederlands. Naast prentenboeken en boeken voor beginnende lezers schrijft ze ook voor oudere jeugd en volwassenen. Bij die boeken laat ze zich graag inspireren door kunstgeschiedenis, haar eerdere vakgebied. Ze geeft lezingen, workshops en schrijfcursussen en is ook actief als vertaler. Regelmatig werkt ze in opdracht. Zo heeft ze boeken geschreven voor onder andere het Fries Museum, het Marinemuseum en Stichting Kening fan ’e Greide. In 2004 won ze de Simke Kloostermanprijs met Mûske, myn famke, in 2007 nogmaals met Lederwyntsje. In 2023 werd haar historische jeugdroman Schaduw van Toet bekroond met de Thea Beckmanprijs. Dijkstra was de eerste Kinderboekenambassadeur van Fryslân en werd in 2022 benoemd tot lid van de Fryske Akademy.
lidadijkstra.nl
Foto: Chris van Houts