Jou in artistyk antwurd op De Aftocht, it lêste gedicht út Paul van Ostaijens bondel Bezette Stad, en meitsje kâns op in plak yn it multimediale projekt Besmette Stad.
Oer Bezette Stad / Besmette Stad
Yn Bezette Stad sjocht Paul van Ostaijen werom op de Earste Wrâldoarloch fanút in selskeazen karantêne yn Berlyn. Yn syn spoar lansearren it Flaamsk-Nederlânske huis voor cultuur en debat deBuren en it Paul van Ostaijen Instituut it multymediale projekt Besmette Stad yn it begjin fan de earste lockdown yn maart 2020, wêryn’t mear as 100 Flaamske en Nederlânske keunstners hjoeddeistige artistike antwurden leveren op de kolleksje fan Van Ostaijen, gedicht foar gedicht. Yn ‘e tuskentiid binne wy oankaam by De Aftocht, it lêste gedicht út Bezette Stad, en wolle wy ek de stêd út, dy’t no mear as in jier ynfektearre is. Mar net sûnder dêr wer keunstners yn te beheljen.
Doch mei oan Besmette Stad
Wy smite de stedspoarten wiid iepen om talint út ‘e Lege Lannen in kâns te jaan om te reagearjen op Van Ostaijen. Wy freegje ús ôf hoe’t wy it dogge oan it begjin fan it tredde desennium fan de ienentweintichste ieu. Hoe ferrint it weromlûken út ús ynfektearre stêden? Is der hoop op in nij begjin? En hoe moat it fierder? Hoechst wis gjin grutte Van Ostaijen-ekspert te wêzen om dizze en oare fragen op in artistike manier te beantwurdzjen. Krekt as hûndert jier lyn ropt dizze tiid ek om nije foarmen foar nije ynhâld.
Meld dy oan foar it lêsatelier oer De Aftocht op 24 juny, mei û.o. Peter Sijbenga en Michelle Samba, wêryn’t Matthijs de Ridder dit gedicht besprekt. Meitsje dan dyn eigen artistike antwurd op Van Ostaijen en wês, mei in bytsje gelok, wolkom yn Besmette Stad.
Wêrom meidwaan?
De selekteare bydragen sille in permanint plak krije yn Besmette Stad, tusken de antwurden fan makkers lykas Ilja Leonard Pfeijffer, Jaouad Alloul, Radna Fabias, Aafke Romeijn, Shamisa Debroey, Spinvis, Annelies Verbeke en mear as 100 oare keunstners. De selekteare makkers krije deselde fergoeding as alle oare dielnimmers oan it projekt: 600 euro foar in bydrage.
Hoe dochst mei?
- Meld dy oan foar it online lêsatelier oer De Aftocht op 24 juny; selektearje in fergees ticket foar makkers. Dielname oan it lêsatelier is ferplicht ast meidwaan wolst oan it ynstjoeren fan wurk.
- Lit dy ynspirearje troch it atelier en stjoer dyn artistike antwurd op dit gedicht nei info@deburen.eu mei it ûnderwerp Oproep Besmette Stad. De deadline is 30 augustus 2021 om 9 oere moarns.
- Trou oan it avant-garde karakter fan Van Ostaijen, kinst yn in protte foarmen meidwaan, mar tink oan de folgjende praktyske easken:
Foar tekst: as JPEG-ôfbylding, PDF as Word-bestân; minimaal 2 siden, maksimaal 5 siden (A4, yn lêsber lettertype)
Foar audio: as MP3-bestân; minimaal 2 minuten, maksimaal 12 minuten
Foar fideo: as mp4-bestân; minimaal 2 minuten, maksimaal 12 minuten
Foar yllustraasje: as jpeg-ôfbylding; minimaal 1 pagina (A4), maksimaal 5 siden
- Wolst wat oars meitsje? Freegje dan nei de betingsten fia info@deburen.eu.
- As bestannen te grut binne om te e-mailen, kinst WeTransfer.com of Myairbridge.com brûke.
Hoe wurkje wy?
- In sjuery (besteande út kuratoaren Matthijs de Ridder, Willem Bongers-Dek, Anna Eble en Marleen Nagtegaal) sil de bydragen beskôgje en alle dielnimmers net letter as de tredde wike fan septimber 2021 nijs jaan oer har kandidatuer.
- Der is gjin fierdere korrespondinsje oer de útkomst
- De sjuery hâldt him it rjocht foar gjin bydragen te selektearjen of bydragen allinich te selektearjen nei’t feedback ferwurke is
- De selekteare makkers wurdt itselde kontrakt oanbean as de oare dielnimmers oan it projekt
Fragen binne wolkom op info@deburen.eu.
Partners: deBuren, Paul van Ostaijengenootschap, Explore The North, Leeuwarden City of Literature, Europäisches Laboratorium, International Association for Dutch Studies, de Brakke Grond en vanostaijenleeft.
